प्रमोद यादव
पर्सा, २५ असोज : पर्साको ग्रामीण भेगमा विधुत चोरी गरि प्रयोग गर्ने १२ जना पक्राउ परेका छन् ।सोमबार राति नेपाल विधुत प्राधिकरण पोखरिया वितरण केन्द्रको चुहावट नियन्त्रण टोलीले विभिन्न गाँउबाट १२ जनालाइ पक्राउ गरेको हो ।
नेपाल प्रहरी र सशस्त्र प्रहरीसंगै लिएर खटिएको प्राधिकरणको टोलीले पर्साको भेडिहारी गाँउबाट ३ जना , भखिमपुर गाँउबाट ३ जना , तुलसीबर्वा गाँउबाट २ जना , लंगडी गाँउबाट १ जना , हरिहरपुरबाट १ जना , लक्ष्मीपुरबाट १ जना र मसिहानीबाट १ जनालाइ पक्राउ गरेको हो ।
विधुतको पोलमा सिधै तार हुकींग गरेर चोरीको विधुत प्रयोग गरिरहेको अवस्थामा उनिहरुलाइ पक्राउ गरिएको विधुत प्राधिकरण पोखरीया वितरण केन्द्र प्रमुख जगन्नाथ झाले बताए ।पक्राउ परेकाहरुलाइ आवश्यक कारबाहीका लागि इलाका प्रहरी कार्यालय पोखरियामा बुझाइएको झाले जानकारी दिए ।