मधेसखबर
वीरगन्ज, २६ भदौं : बारामा घरेलु मदिरा उत्पादन गर्ने अवैध रक्सी भट्टीहरुलाइ नष्ट गर्ने अभियानलाइ प्रहरीले निरन्तरता दिएको छ ।
केहि साता यता बाराका प्रहरी प्रमुख प्रहरी उपरिक्षक होबिन्द्र बोगटीको निर्देशनमा प्रहरीले जिल्लाभर सर्च अभियानै चलाएर अवैध रक्सी भट्टीहरुलाइ नष्ट गर्ने कार्यलाइ निरन्तरता दिइरहेको हो ।
यसैक्रमा आइतबार जिल्ला प्रहरी कार्यालय बाराबाट खटिएको प्रहरी टोलीले एकै दिन ५ वटा रक्सी भट्टी तोडफोड गर्नुका साथै रक्सी उत्पादन गरिने १० हजार लिटर कच्चा पदार्थ नष्ट गरेको छ ।
आइतबार प्रहरीले फेटा गाउँपालिका वडा नंबर १, प्रसौनी गाउँपालिका वडा नंबर १ र वडा नंबर ३ स्थित विभिन्न घरमा संचालन रहेका ५ वटा अवैध भट्टीहरू नष्ट गरेको हो । त्यसक्रममा रक्सी उत्पादन गर्न प्रयोग गरिने मेसिन, भडाकुडा नियन्त्रणमा पनि लिइरहेको प्रहरी उपरिक्षक बोगटीले जानकारी दिए ।