मधेसखबर
वीरगन्ज ,२२ भदाैं : मालपोत तथा नापी कार्यालय यथावत राख्न माग गर्दै तीन पालिकाका नागरिकले बाराकाे सदरमुकाम कलैयामा विरोध प्रदर्शन गरेका छन् ।
महागढीमाई नगरपालिका –९, सुवर्ण र देवताल गाउँपालिकाको सेवा सुविधाको कामकाज सिम्रौनगढ नगरपालिकाबाट सुरु गरेको विरोधमा स्थानीय नागरिकले प्रदर्शन गरेका हुन् ।
महागढीमाई –९ का वडा अध्यक्ष दिलीप शुक्लाको नेतृत्वमा कलैया स्थित मालपोत कार्यालयदेखि निस्केको जुलुसले प्लेकार्डसहित प्रदर्शन गरेको थियो ।
प्रदर्शनकारीले जिल्ला प्रशासन कार्यालय अगाडि बाटोमा अवरोध गरेपछि प्रदर्शनकारी र प्रहरीबीच सामान्य विवाद पनि भएको प्रमुख जिल्ला अधिकारी कृष्णबहादुर कटुवालले बताए ।
वडा अध्यक्ष शुक्लाको अध्यक्षतामा सम्पन्न कोणसभामा नागरिक समाजका अध्यक्ष उमेशलाल दासले पायक पर्ने ठाउँमा कार्यालय राख्नुको साटो नगरपालिकामा मालपोत तथा नापी लगेको निर्णय गलत रहेको बताए ।