मधेसखबर
वीरगन्ज,२८जेठः पर्साको सखुवा प्रसौनी गाउँपालिका वडा नम्बर २ स्थित प्रसौनी टोलमा पक्की नाला निर्माणको शनिबार शिलान्यास गरिएको छ ।सखुवा प्रसौनी गाउँपालिकाका अध्यक्ष यसवन्त यादवले पक्की नालाको शिलान्यास गरेका हुन् । प्रसौनी टोलमा १९ लाख ३५ हजार ९ सय रुपैयाको लागतमा नाला निर्माण गर्न थालिएको हो । गत बैशाख १६ गते ठेक्का सम्झौता भएको उक्त नाला निर्माणको काम असार १५ गते भित्र सक्नु पर्नेछ । नाला निर्माणको ठेक्का आरती कन्ट्रक्सनले लिएको हो ।
शनिबार नाला निर्माणको शीलन्याश गर्दै गाँउपालिका अध्यक्ष यादवले गाउँपालिकामा नयाँ जनप्रतिनिधीहरु निर्वाचित भएर आइसकेकाले अब विकास निर्माणको कार्यले तिब्रता लिने बताए । यसअघिका जनप्रतिनिधिहरुले आफना दलका कार्यकर्ता पोस्ने र आफ्ना आसेपासेलाइ पालिकामा भर्ति गर्नु बाहेक केहि काम नगरेको यादवले आरोप लगाए । तर अब भने ती सबै विकृतिहरु समाप्त गरेर पालिका र जनताको हितमा आफुहरुले काम गर्ने उनले बताए । उनले पाँच वर्षको अवधिमा आफुहरुले गाँउपालिकाको कायापलट गरेर देखाउने प्रतिबद्धता पनि व्यक्त गरे ।
शनिबार नाला निर्माणको शीलन्याश कार्यक्रममा वडा नम्बर २ का वडाअध्यक्ष चिरन्जीवि महतोका साथै स्थानीय अगुवाहरुको पनि उपस्थिती रहेको थियो ।