क्रान्ति शाह
वीरगन्ज,१५ जेठःवीरगन्जका उद्योगथी व्यवसायीहरुले वीरगन्ज महानगरका नवनिर्वाचित मेयर राजेशमान सिंहलाइ भेटेर यस क्षेत्रका उद्योग व्यपारका समस्या र चुनौती बारे ध्यानाकषर्ण गराएका छन् ।
आइतबार मेयर सिंहको कार्यकक्षमै पुगेर वीरगन्ज उद्योग वाणिज्य संघका पदाधिकारी र सदस्यहरुले महानगरमा विद्यमान समस्या सामधान बारे सुझाव पनि दिएका छन् ।
त्यसअवसरमा संघका अध्यक्ष डाक्टर सुबोध कुमार गुप्ताले नवनिर्वाचित मेयर सिंहलाई बधाई तथा सफल कार्यकालको शुभकामना दिदै अगामी दिनमा वीरगन्ज उद्योग वाणिज्य संघ र महानगरपालिकाले गर्न सक्ने सहकार्यका बारेमा सिंहको ध्यानाकर्षण पनि गराए ।
महानगरले संकलन गर्दै आएको कर परिमार्जन गर्न, वीरगन्जमा एउटा ट्रान्सपोर्ट नगरको निर्माण गर्न पनि गुप्ताले आग्रह गरे । उनले वीरगन्ज क्षेत्रमा सन्चालित उद्योगहरुका लागि आवश्यक ट्रेडफेयर मैदान निमार्णमा संघ र महानगर बिच सहकार्य गर्न सकिने तर्फ पनि मेयर सिंहलाइ जानकारी गराए ।
नवनिर्वाचित मेयर सिंहले यस अघि वीरगन्ज महानगर , महानगरवासी र उद्योगी व्यवसायी बीच रहेको मत भिन्नतालाई अब आफुले हटाउने प्रतिबद्धता जनाए । उनले महानगरले संकलन गर्दै आएका कर पारदर्शी बनाउने , करका दर पुनरावलोकन गर्ने र करको दर भन्दा पनि करको दयरा बढाउने तर्फ महानगर अघि बढने बताए ।
त्यस अवसरमा संघका निवर्तमान अध्यक्ष गोपाल केडिया, वरिष्ठ उपाध्यक्ष अनिलकुमार अग्रवाल, उपाध्यक्षद्वय हरि गौतम र माधव राजपाल, महासचिव मनोजकुमार दास, कोषाध्यक्ष गोविन्द शाह, सचिवद्वय अरविन्द्र अमात्य, आशिष लाठ, सह–कोषाध्यक्ष प्रेमचन्द्र गोयल, सहसचिव सुशान्त चाचान लगायतको पनि सहभागीता रहेको थियो ।