मधेसखखबर
वीरगन्ज,०८जेठः हप्तामा दुइ दिन सार्वजनिक विदा दिने सरकारको निर्णय सच्याउन वीरगन्ज उद्योग वाणिज्य संघले आग्रह गरेको छ ।
यहि जेठ ४ गते देखि लागु हुने गरि सरकारले हप्तामा दुइ दिन (शनिबार र आइतबार) सार्वजनिक विदा दिने निर्णय गरि लागु गरिसकेको छ ।
तर वीरगन्ज उद्योग वाणिज्य संघले भने सरकारको यो निर्णय गलत रहेको भन्दै सच्याउन सरकारसंग आग्रह गरेको हो ।
संघका अध्यक्ष डाक्टर सुबोध कुमार गुप्ताले आइतबार एक विज्ञप्ति जारी गर्दै हप्ता दुइ दिने सार्वजनिक विदा दिने सरकारको निर्णय सच्याउन माग गरेका हुन् ।
नेपाल सरकारले पेट्रोलियम उत्पादनको खपत घटाउने समेत उद्देश्यले जेठ ४ गतेदेखि हप्तामा २ दिन सार्वजनिक बिदा दिने निर्णय गरेको प्रति संघको ध्यान आकृष्ट भएको भन्दै गुप्ताले हप्तामा २ दिन सार्वजनिक बिदा दिँदा उद्योग व्यवसायमा ठूलो नकारातमक प्रभाव परिरहेको जनाएका छन् ।
संघको विज्ञप्तिमा भनिएको छ– कुनै हप्तामा बीचमा अन्य कुनै दिन विदा पर्दा हप्तै भरि सरकारी काम गराउन नसकिने र बैंक तथा वित्तीय संस्थाहरुमा समेत हप्तामा २ दिनको विदाले गर्दा समयमा बैंकिङ्ग कार्य पनि हुन सक्दैन ।
सङ्घीय राज्य र स्थानीय सरकारले बढी बिदा दिने प्रतिस्पर्धा गर्दा समग्र उद्योग, व्यवसाय, शैक्षिक, स्वास्थ्य लगायतका क्षेत्रमा नकारात्मक असर पु¥याउने भएको भन्दै संघले यो निर्णय संशोधन गरी साविक झै हप्तामा १ दिन (शनिबार) मात्र सार्वजनिक विदा दिने व्यवस्था मिलाउन सरकारसँग माग गरेको छ ।
