मधेसखबर
वीरगन्ज,०७जेठः बाराको देवताल गाउँपालिकामा लोसपाको विरासत जसपाले खोसेको छ । देवताल गाँउपालिकाको अध्यक्ष र उपाध्यक्ष दुवै पदमा यसअघि निर्वाचित लोसपाका उम्मेदवारलाइ हराउदै जसपालका उम्मेदवार विजयी भएका हुन् ।
गाँउपालिका अध्यक्षमा जसपाका उदय प्रसाद यादव र उपाध्यक्षमा पनि जसपाकै सीतापति देवी यादव विजयी भएका हुन् ।
अध्यक्षमा निर्वाचित यादवले निकटतम प्रतिद्वन्द्वी लोसपाका उम्मेदवार एंव निवर्तमान अध्यक्ष चन्दन सिंहलाई ६०१ मतले पराजित गरेका हुन् । नवनिर्वाचित अध्यक्ष यादवले ४१७६ मत पाउदा सिंहले ३५७५ मत मात्रै पाए ।
उपाध्यक्षमा निर्वाचित सीतापति देवीले ४२०२ मत ल्याउदा उनकी प्रतिद्वन्द्वी लोसपाकी रामपति देवीले भने ३०७६ मत प्राप्त गरेकी छन् ।