वीरगन्ज,३०पुस:नेपाली कांग्रेसको दोस्रो विशेष महाधिवेशनबाट सभापतिमा गगन थापा निर्विरोध निर्वाचित भएका छन्।
काठमाडौं सम्पन्न दाेस्राे विशेष महाधिवेशनबाट निवर्तमान महामन्त्री थापा सभापतिमा निर्विरोध निर्वाचित भएका हुन्।थापा, काठमाडौं-४ बाट २०७०,२०७४ र २०७९ काे निर्वाचनमा लगातार तीन पटक सांसदमा निर्वाचित भएका थिए।त्यसअघि २०६४ काे पहिलाे संविधानसभा निर्वाचनबाट उनि समानुपातिकतर्फबाट संविधान सभामा निर्वाचित भएका थिए।
यसैगरि कांग्रेसको दाेस्राे विशेष महाधिवेशनबाट उपसभापतिमा विश्वप्रकाश शर्मा र पुष्पा भुसालपनि निर्विरोध निर्वाचित भएका छन्।
यसैगरी महामन्त्रीमा गुरूराज घिमिरे र प्रदीप पौडेलपनि सर्वसम्मतले निर्वाचित भएका छन्।
सहमहामन्त्रीमा बाराका फरमुल्लाह मन्सुर (मुस्लिम), मुक्ता कुमारी यादव (मधेसी), प्रकाश रसाइली (दलित), डिला संग्रौला पन्त (महिला), बहादुर सिंह लामा (आदिवासी जनजाति),उदयशमशेर राणा (खस आर्य), योगन्द्र चौधरी (थारू) र कर्ण बूढा (पिछडिएको समुदाय) पनि निर्विरोध निर्वाचित भएका छन्।