वीरगन्ज,११मंसिरःवीरगन्जमा आयोजित वीरगन्ज सुपर लिग (बीएसएल) टी ट्वान्टी क्रिकेट प्रतियोगिता सिजन–४ को उपाधि डिफेन्डिङ च्याम्पियन ड्रगन्स अफ साहिब दरबारले जितेको छ।नारायणी क्रिकेट मैदानमा बिहीबार भएको फाइनल खेलमा मधेस इलिट्सलाई ८ विकेटले हराउँदै साहिब दरबारले लगातार दोस्रो पटक उपाधि उचालेको हो ।
मधेस इलिट्ले दिएको १२५ रनको लक्ष्य साहिब दरबारले १०.३ ओभरमै केवल २ विकेटको क्षतिमा भेट्याउँदै उपाधि चुम्यो।उसका लागि सन्तोष कार्कीले अवजित ९२ र आसिम हवारीले अविजित १८ रन बनाए।बलिङतर्फ मधेस इलिट्सका हिमांशु दत्त र नवीन यादवले समान १–१ विकेट लिए ।
त्यसअघि पहिले ब्याटिङ गरेको मधेस इलिट्सले निर्धारित २० ओभरमा ६ विकेट गुमाएर १२४ रनमात्र बनाएको थियो।उसका लागि हिमांशु दत्तले ५१ र साहिलराज हवारीले २५ रन बनाएका थिए । बलिङतर्फ साहिब दरबारका लागि कमल गुप्ताले २ र दिलिप दासले १ विकेट लिए ।
पर्सा क्रिकेट संघको समन्वयमा वीरगन्ज युथ स्पोर्टस एकेडेमीले आयोजना गरेकोे प्रतियोगितामा ५ वटा फ्रेन्चाइजी टिमले भाग लिएका थिए ।