वीरगन्ज,२६फागुनः परवानीपुरमा रहेको केडिया आँखा अस्पतालले आफनो ५०औ बार्षिकोत्सवको उपलक्ष्यमा बारामा अपांगता भएका १४ जना व्याक्तिलाई ह्वील चेयर प्रदान गरेको छ ।
केडिया आँखा अस्पतालले बारा जिल्लाका विभिन्न पालिकाका १४ जना अपांगता भएका व्याक्तिहरुलाई उनिहरुको घरमै पुगेर एक एक थान ह्वील चेयर वितरण गरेको हो ।
कलैया उपमहानगरपालिकाका ३ जनालाई , महागढीमाई नगरपालिकाका २ जनालाई , सिम्रौनगढ नगरपालिकाका १ जनालाई र आदर्शकोतवाल गाँउपालिकाका ८ जनालाई ह्वील चेयर प्रदान गरिएको सामाजिक अभियन्ता प्रकाश थारुले जानकारी दिए।यस्तै आदर्शकोतवाल गाँउपालिकाका १ जनालाई लस्ट्रेचर प्रदान गरिएको उनले बताए ।
केडिया आँखा अस्पतालका प्रतिनिधि भरत ठकुर,सुशील पटेल,समाजिक अभियन्ता प्रकाश थारू,अपांग महासंघका सुनिल कुमार यादव,प्रहरी नायब निरीक्षक तुलसी पोख्रेल,वडाध्यक्ष जवाहीर प्रसाद , मिथिला सारथी समाजका कोषाध्यक्ष जितेन्द्र पटेल सहितको टोलीले अपांगता भएका व्याक्तिहरुको घरघरमै पुगेर ह्वील चेयर र स्ट्रेचर प्रदान गरेको हो ।