वीरगन्ज,१२ मंसिर:वीरगन्जमा रहेकोे नेशनल मेडिकल कलेज गत आर्थिक २०८०/०८१ मा मधेस प्रदेश मै उत्कृष्ट स्वास्थ्य सेवा प्रदान गरे बापत सम्मानित भएको छ ।
मंगलबार काठमाडौंको प्रज्ञा भवन कमलादीमा आयाेजित ७ औँ सामाजिक सुरक्षा दिवस कार्यक्रममा प्रधानमन्त्री केपी शर्मा ओलीले नेशनल मेडिकल कलेज शिक्षण अस्पतालका अध्यक्ष प्रा.डा. जैनुदिन अन्सारीलाई सम्मानपत्र प्रदान गर्दै सम्मानित गरेका हुन् ।
८ वटा जिल्ला रहेकोे मधेस प्रदेशमा ठूलो उत्कृष्ट स्वास्थ्य सेवा प्रदान गरेबापत नेशनल मेडिकल कलेज प्रधानमन्त्री ओलीबाट सम्मानित भएको नेशनल मेडिकल कलेज वीरगन्जका प्रबन्ध निर्देशक शाहनावाज अन्सारीले जानकारी दिए ।
उनका अनुसार सामाजिक सुरक्षा कोषले नेशनल मेडिकल कलेजलाई आर्थिक वर्ष २०८०/८१ मा उत्कृष्ट स्वास्थ्य सेवा प्रदान गरेको घोषणा गरेको थियो । कार्यक्रममा स्वास्थ्य तथा जनसंख्या मन्त्री प्रदिप पौडेल ,श्रम तथा रोजगार मन्त्री शरद सिंह भण्डारी लगायतकाको पनि सहभागीता रहेको थियो ।