वीरगन्ज,८मंसिरःवीरगन्जको नारायणी अस्पतालको प्रांगणमा शनिबार वीरगन्ज समाज सेवाले ५ सय ५० भन्दा बढीलाई निःशुल्क भोजन गराएको छ ।
अस्पताल प्रांगणमै उक्त संस्थाले २९ हप्तादेखि शनिबारका दिन निःशुल्क भोजन शविर सञ्चालन गर्दै आएको छ । त्यसैक्रममा शनिबारको शिविरमा अस्पतालका बिरामी, उनिहरुका कुरुवा,रिक्सा र ठेला चालक एंव विपन्नहरु गरी ५ सय ५० जनालाई निःशुल्क खाना खुवाइएको हो ।
शनिबारको शिविरमा वीरगन्ज समाज सेवाका अध्यक्ष अशोक कुमार गुप्ता,उपाध्यक्ष मनोज प्रसाद रौनियार,सचिब प्रकाश बाहिति, कोषाध्यक्ष विनोद सर्राफ, सदस्यहरु अभिलाष गुप्ता,मदन प्रसाद गुप्ता , राजु रुंगटा, वकिल प्रसाद रौनियार, रमेश अग्रवाल, नवनित अग्रवाल लगायतकोपनि उपस्थिती थियो ।