धादिङ,२०बैशाख:धादिङको थाक्रे गाउँपालिका–५ पुरानडाँडामा रहेको घट्टेखोला भन्ने ठाउँको एउटा घरमा आगलागी हुँदा वृद्ध दम्पतीको मृत्यु भएको छ ।
बुधबारराति ७० बर्षीय तेजबहादुर लामाको एकतले घरमा आगलागी हुँदा लामा र उनकी ७० बर्षीया पत्नी ठूली लामाको जलेर मृत्यु भएको धादिङका प्रहरी प्रमुख प्रहरी उपरीक्षक गौतम केसीले बताए ।
आगलागीबाट घरमा भएका अन्नपात र लत्ताकपडा पनि सबै जलेर नष्ट भएको प्रहरीले जनाएको छ ।