वीरगन्ज,२३माघः बारामा ५५ बर्षिया एक महिलामाथी कुटपिटगरी बलात्कारको प्रयास गरेको आरोपमा प्रहरीले एक युवकलाई पक्राउ गरेको छ । बाराको जीतपुरसिमरा उमहानगरपालिका वडा नंबर १८ कुस्माडीका प्रताप भनिने २३ बर्षिय नरेश चौधरीलाई प्रहरीले सोमबार साँझ पक्राउ गरेको हो ।
पक्राउ परेका चौधरीलाई ईलाका प्रहरी कार्यालय सिमराको हिरासतमा राखी थप अनुसन्धान भइरहेको प्रहरीले जनाएको छ ।
चौधरीले ५५ बर्षिया महिलालाई बाटोढुकी जबरजस्ती मकैबारीमा लगी कुटपिट गरी बलात्कारको प्रयास गरेको आरोप छ । पतिकाका लागि टिफिनमा खाना लिएर जाँदै गरेका बेला ती महिलालाई चौधरीले सडकको एकान्तमा रोकी कुटपिटगरी जबरजस्तीको प्रयास गरेको बताइएको छ ।
घर जाँदै गरेका पिडितका देवर पर्ने आफन्तले बाटो नजिकै मकैबारीमा महिला चिच्याएको आवाज सुनेर होहल्ला गरेपछी पिडक चौधरी भागेका थिए । कुटपिटबाट घाइते महिलालाई उपचारका लागि प्रादेशिक अस्पताल कलैयामा पठाइएको र घटना बारे अनुसन्धान भइरहेको ईलाका प्रहरी कार्यालयउ सिमराले जनाएको छ ।