वीरगन्ज,७माघ:वीरगन्जमा आइतबार बिहान माेटरसाइकल दुर्घटना हुदाँ दुई जना युवककाे घटनास्थलमै मृत्युु भएकाे छ।
वीरगन्ज महानगरपालिका वडा नम्बर १५ भिस्वास्थित जिल्ला आयुर्वेद अस्पताल नजिकैको सडकमा प्रदेश २-०३-०२१ प ५४३२ नम्बरको माेटरसाइकल दुर्घटना हुदाँ त्यसमा सवार दुई जनाकाे मृत्यु भएकाे हाे ।
भिस्वाबाट भेडियाही जाने बाटाेमा उक्त माेटरसाइकल आँफै अनियन्त्रित भएर दुर्घटनामा परेकाे पर्साका प्रहरी प्रवक्ता प्रहरी नायब उपरीक्षक कुमार विक्रम थापाले जानकारी दिए।
मृतकहरुकाे पहिचान भने अहिलेसम्म खुल्न नसकेकाे उनले बताए ।
थापाका अनुसार दुर्घटना शनिबारराति नै भएको अनुमान छ ।आइतबार बिहान स्थानीयहरूले युवकहरूलाई लडेको देखेपछि प्रहरीका खबर गरेका थिए । प्रहरीले घटनास्थलको मुचुल्का उठाएर शवलाई पोस्टमार्टमका लागि नारायणी अस्पतालमा पुर्याएको छ ।
मृतकहरुकाे पहिचान र घटना बारे अनुसन्धान भइरहेकाे थापाले बताए ।