मधेसखबर
वीरगन्ज ,१२ असाेज : पर्साकाे जगरनाथपुर गाउँपालिकाले लाभग्राहीहरुकाे सहजताका लागि सामाजिक सुरक्षा भत्ता वितरण गर्न वडा वडामै शिविर संचालन गरेकाे छ ।
एनआइसी एशिया बैंक जगरनाथपुर शाखाकाे समन्वयमा गाउँपालिकाले वडा कार्यालयमै शिवीर सन्चालन गरेर भत्ता वितरण गर्न थालेकाे हाे ।
पालिकाले वडामै पुगेर भत्ता वितरण गर्न थालेपछि यसले आफुहरुलाई धेरै राहत पुगेकाे भन्दै ज्येष्ठ नागरिकले खुशी व्यक्त गरेका छन् । अब बैंकमा पुगेर दिनभर लाइन बस्नुपर्ने बाध्यता पनि हटेको उनिहरुले प्रतिक्रिया दिएका छन् ।
ज्येष्ठ नागरिक र अपांगता भएकाहरूलाई बैंकमा घण्टौँ लाइन बस्नुपर्ने सकसपुर्ण अवस्थाको अन्त्य गर्न वडा वडाबाटै बैंक मार्फत सामाजिक सुरक्षा भत्ताकाे रकम वितरण थालिएको जगरनाथपुर गाउँपालिकाका अध्यक्ष श्रीकान्त प्रसाद यादवले वताए । उनले जनताको सहजताका लागि वडाबाटै सामाजिक सुरक्षा भत्ता वितरण गरेपछि नागरिकको अनुहारमा खुसी देख्दा आफूहरूलाई थप खुसी मिलेको पनि बताए ।
बैंककाे समन्वयमा लाभग्राहीहरुकाे सहजताकाे लागि वडा वडामा पुगेर भत्ता वितरण गर्न थालिएकाे प्रमुख प्रशासकिय अधिकृत कृष्णनन्दन रायले वताए । उनले ६ वटै वडा मै पुगेर शिविर मार्फत सामाजिक सुरक्षा भत्ता रकम वितरण गरिने बताए ।
वडा नंबर १ काे वडा कार्यालय पिडारीगुठीबाट गत शक्रबारदेखि सरु भएकाे समाजिक सुरक्षा भत्ता वितरण शिविर मार्फत हाल सम्म एक हजार भन्दा बढी लाभग्रहीहरुलाई रकम वितरण गरिसकिएकाे लेखापाल संदेश कुशावाले जानकारी दिए ।
शिविरमा जेष्ठ नागरिक, दलित जेष्ठ नागरिक, जष्ठ नगारिक एकल महिला र क तथा ख वर्गका अपाङ्ग लाभग्राहीहरुलाई भत्ता वितरण गर्न थालिएकाे उनले वताए ।
वडा नं. १ देखी ६ सम्मका सम्पुर्ण दलित बालवालिका (सामाजिक सुरक्षा भत्ता लाभग्राही)हरु तथा शिविरबाट सामाजिक सुरक्षा भत्ता रकम प्राप्त गर्न छुट भएका लाभग्राहीहरुले एनआइसी एसिया बैंक शाखा कार्यालय जगरनाथपुरबाट कार्यालय समयमा भत्ता प्राप्त गर्न सक्ने गाउँपालिका कार्यालयले जनाएकाे छ ।