माधुरी महत्तो
वीरगन्ज, १२ साउन : जनता समाजवादी पार्टी (जसपा) पर्साले मधेस प्रदेशलाइ सुख्खाग्रस्त क्षेत्र घोषणा गरि किसानलाइ विशेष राहत प्याकेज उपलब्ध गराउन संघीय सरकारसंग माग गरेको छ ।
जसपा पर्साका नेताहरुले बिहीबार पर्साका प्रमुख जिल्ला अधिकारी मार्फत प्रधानममन्त्री शेर बहादुर देउवालाइ किसान सम्बद्ध ७ सुत्रीय माग सहितको ज्ञापनपत्र बुझाएको हुन् ।
जसपाले बुझाएको ज्ञापनपत्रमा मधेस प्रदेशलाई सुख्खा क्षेत्र घोषणा गरी किसानलाई विशेष राहत प्याकेजको व्यवस्था गर्नु पर्ने , किसानलाइ समयमै प्रयाप्त मलखाद्यको व्यवस्था गर्नु पर्ने , किसानले बैंकवाट लिएको ऋणको व्याज मिनाहा गर्नु पर्ने , सिचाईको लागि डिप बोरींग लयायत अन्य वैकल्पिक व्यवस्था गर्नु पर्ने उल्लेख छ ।
यस्तै सिचाईको लागि किसानलाई सहुलियत स्वरुप डिजलको व्यवस्था गर्नु पर्ने , किसानको सुविधाको लागि कृषि विद्युतीकरणको व्यवस्था गर्नु पर्ने र कृषि मिटर उपलब्ध गराई विद्युत महसुल निःशुल्क गर्नु पर्ने माग पनि जसपाले सरकारसंग गरेको जसपा पर्साका सचिव तबरेज अहमदले जानकारी दिए ।
ज्ञापनपत्र बुझदै पर्साका प्रमुख जिल्ला अधिकारी उमेश ढकालले किसानका समस्याका बारेमा जसपाले राखेका माग प्रधानमन्त्री कार्याालयमा पठाइ दिने आश्वासन दिएको अहमदले बताए ।
ज्ञापनपत्र बुझाउन गएको टोलीमा जसपा पर्साका अध्यक्ष रामनरेश प्रसाद यादव , जसपाका नेताहरु महाराज यादव, मुकेश द्धिवेदी , गौरीशंकर साह , धोबिनी गाँउपालिकाका अध्यक्ष मदन चौहान, सखुवा प्रसौनी गाँउपालिकाका पूर्व अध्यक्ष प्रदीप जयसवाल लगायतको सहभागीता थियो ।