मधेस खबर
वीरगन्ज, १९ बैशाख :निर्वाचन आयोगले चुनावी पोष्ट र ब्यानर टास्न निषेध गर्दै यदि कसैले पोष्टर र ब्यानर टासे १ लाख रुपैया जरीवाना तिराउने चेतावनी दिएको छ ।
निर्वाचन आगोगका अनुसार , वैशाख ३० गते हुने निर्वाचनमा राजनीतिक दल वा कुनै पनि उम्मेदवारले आफनो चुनावी पोस्टर र ब्यानर टाँग्न वा टास्न पाउने छैनन् ।
चुनावी पोस्टर टाँस्ने वा ब्यानर टाँगे त्यो निर्वाचन आचारसंहिता विपरित हुने भन्दै आयोगले कसैले त्यसको उल्लंघन गरे उसलाइ १ लाख रुपैया जरीवाना तिराइने जनाएको हो ।
यदि कोहि उम्मेदवार वा दलले अहिले पोस्टर वा ब्यानर टाँगेका छन् त्यो तुरुन्तै हटाउन पनि आयोगले चेतावनी दिएको छ ।
आयोगका सहप्रवक्ता सुर्य प्रसाद अर्यालले भने ,‘ चुनावी पोष्ट र ब्यानर टास्नु आचारसिंहता विपरीत हो, त्यस्ता कार्य गर्ने राजनीतिक दल वा उम्मेदवारले यथाशिघ्र उक्त ब्यानर र पोस्टर हटाउन आयोग निर्देशन दिन्छ,’।
अर्यालले अटेर गर्ने राजनीतिक दल वा उम्मेदवारलाई एक लाख जरिवाना गराउने जानकारी दिए । उनले भने ,‘ ’आयोगले तोकेको आचारसंहिता उल्लंघ गरे वा यथाशिघ्र त्यस्ता ब्यानर वा पोस्टर नहटाए एक लाखसम्म जरिवाना हुन्छ,’