बारा,१७भदाैं:बारामा भएको माेटरसाइकल दुर्घटनामा परेर १ जनाको मृत्यु भएको छ ।मृत्यु हुनेमा बा.प्र–०६–००८ प ३२३० नम्बरको मोटरसाइकलका चालक चितवनकाे भरतपुर महानगरपालिका–१४ बस्ने ४६ वर्षीय रन्जन शर्मा रहेका छन।
बाराकाे जीतपुर सिमरा उपमहानगरपालिका–१६ ढुङ्ग्रे पुल नजिक सडकमा बुधबार दिउँसो १ बजे बा.प्र.०६–००८ प ३२३० नम्बरको मोटरसाइकल, ग १४ प २४१ नम्बरको मोटरसाइकल र ग १६ प ५७८१ नम्बरको मोटरसाइकल एक आपसमा ठाेक्किएका थिए।
दुर्घटनामा गम्भीर घाइते भएका शर्माको एल एस न्युरो अस्पतालमा उपचारको क्रममा मृत्यु भएको हो ।
दुर्घटनामा घाइते भएका अन्य २ वटा मोटरसाइकलका चालकहरूको एल एस न्युराे अस्पतालमै उपचार भइरहेको छ ।