काठमाडौं,२७ साउनः काठमाडौँको माइतीघरमा पनि बुधबार एक लघुवित्त पीडितले आत्मदाहको प्रयास गरेका छन् । सर्लाहीको चन्द्रनगर–६ घर भएका ४० वर्षीय नथुनी मुखियाले शरीरमा पेट्रोल छर्किसकेको अवस्थामा प्रहरीले उद्धार गरेको हो । उनको अहिले वीर अस्पतालमा उपचार भइरहेको छ ।तर उनको अवस्था खतरामुक्त रहेको प्रहरीले जनाएको छ ।
माइतीघरमा लघुवित्त पीडितहरूको प्रदर्शनमा सहभागी भएका मुखियाले शरीरमा पेट्रोल छर्किसकेको अवस्थामा उनलाई उद्धार गरेर अस्पताल पठाइएको काठमाडौँका एसएसपी दिलीप घिमिरेले जानकारी दिए।