वीरगन्ज,३१ जेठः पर्साको सखुवा प्रसौनी गाँउपालिकाबाट प्रहरीले १२ जना जुवाडेलाई नगद रकमसहित पक्राउ गरेको छ ।
सखुवा प्रसौनी गाँउपालिका वडा नम्बर २ श्रीपुर बजारस्थित एक घरमा तास खेल्दै गरेको अवस्थामा १२ जनाा जुवाडेलाई प्रहरीले पक्राउ गरेको हो । पक्राउ परेका जुवाडेहरुको नाम र ठेगाना भने प्रहरीले सार्वजनिक गरेको छैन ।
जुवाको खालबाट नगद ४१ हजार ३३५ रुपैयाँ र ५ बुक तासपनि बरामद गरिएको जिल्ला प्रहरी कार्यालय पर्साले जनाएको छ । पक्राउ गरिएका जुवाडेहरुलाई प्रहरी हिरासतमा राखेर कानूनी कारबाहीको प्रकृया अगाडि बढाइएको पर्साका प्रहरी नायब उपरीक्षक हरिबहादुर बस्नेतले जानकारी दिए ।