वीरगन्ज,१७ साउनः पर्साको पटेर्वा सुगौली गाँउपालिका वडा नम्बर ४ पटेर्वास्थित नेपाल राष्टिय आधारभूत विद्यालयमा थप चार कोठे भवन निर्माणको कार्य थालिएको छ । आइतबार पटेर्वा सुगौली गाँउपालिकाकी उपाध्यक्ष ममता महत्तो चौधरीले हिन्दु धार्मिक रितिरिवाज अनुसार पूजापाठ गरी भवनको शिलान्यास गरेकी छन् ।
उपाध्यक्ष चौधरीका अनुसार, दिब्य विकास स्रोत केन्द्र पर्सा र एक्शन एड नेपालको साझेदारीमा सञ्चालित स्थानीय अधिकार कार्यक्रम अन्तर्गत ६६ लाख ९३ हजार रुपैयाँको लागतमा विद्यालय प्रांगणमै चार कोठे भवन निर्माण गर्न थालिएको हो ।
विद्यालय भवन निर्माणले बालबालिकालाई सुरक्षित र सहज सिकाइ वातावरण प्रदान गर्ने तथा समग्र शैक्षिक गुणस्तर अभिवृद्धिमा महत्वपूर्ण योगदान पुग्ने विश्वास गरिएको दिब्य विकास स्रोत केन्द्र पर्साका कार्यकारी निर्देशक रामाकान्त प्रसाद पटेलले बताए ।
शिलान्याश कार्यक्रममा गाउँपालिका अध्यक्ष दिनेश चौधरी, वडाध्यक्ष वासु पञ्जियार, विद्यालय व्यवस्थापन समितिका पदाधिकारी, भवन निर्माण उपभोक्ता समितिका पदाधिकारी,स्थानीय समाजसेवी श्याम सुन्दर महतो, विश्वनाथ महत्तो लगायतकाको पनि सहभागिता थियो।