काठमाडौँ,२२असारः ब्राजिली स्टार नेयमारले विश्वकप २०२६ मा आफ्नो टिम अन्तिम १६ को चरणबाट बाहिरिएलगत्तै सोमबार अन्तर्राष्ट्रिय फुटबलबाट सन्यास लिएका छन् । पाँचपल्टको विजेता ब्राजिल सोमबार बिहान भएको खेलमा नर्वेसगँ पराजित भएको हो ।
संन्यासमेट लाइफ स्टेडियममा सोमबार बिहान भएको खेलमा नेयमार सब्टिच्युट खेलाडीका रूपमा मैदानमा छिरेका थिए र पेनाल्टीबाट एक गोल पनि गरे । इर्लिङ हालान्डको दुई गोलको मद्दतले नर्वे भने २–१ ले विजयी रह्यो।
ब्राजिलका लागि सर्वाधिक गोलकर्ता रहेका ३४ वर्षीय नेयमारले भनेका छन्, ‘म असाध्यै थाकें । ब्राजिलका लागि मैले खेल्ने दिन सकिए ।’
पछिल्लो समय चोटको समस्याबाट गुज्रिरहेका नेयमार अविश्वसनीय रूपमा विश्वकप खेल्ने ब्राजिली टिममा परेका थिए ।
सन् २०१० मा ब्राजिलको सिनियर टोलीबाट डेब्यु गरेका नेयमार राष्ट्रिय टोलीका इतिहासकै सर्वाधिक गोलकर्ता हुन्। उनले १२९ अन्तर्राष्ट्रिय खेलमा ८० गोल गर्दै ब्राजिलियन फुटबलमा अविस्मरणीय छाप छाडेका छन्।