काठमाडौं,१०असार: फिफा विश्वकप २०२६ मा बुधबार बिहान भएको खेलमा क्राेएसियाले पानामालाई १-० ले पराजित गरेको छ ।
समूह एलमा रहेको सन् २०१८ को विश्वकप उपविजेता क्रोएसियाको जारी विश्वकपमा यो पहिलो जित हो र यो जितले राहत मिलेको छ ।
क्यानडाको टोरन्टो स्टेडियममा बुधबार बिहान सम्पन्न खेलमा क्रोएसियाका एन्टाे बुडिमरले दोस्रो हाफमा निर्णायक गोल गरे ।
उनाले ५३औं मिनेटमा जोसिफ स्टानिसिकको पासमा गोल गर्दै क्रोएसियालाई अग्रता दिलाएका थिए ।
त्यसपछि दुवैले टोलीले गोल गर्ने प्रयास गरेपनि थप गोल भएन ।
पहिलो खेलमा इंग्ल्यान्ड्सँग ४-२ ले पराजित भएको क्रोएसिया पहिलो जितपछि ३ अंक जोड्न सफल भएको छ । समूह एलमा उ तेस्रो स्थानमा छ ।
क्रोएसियाले अब अन्तिम खेल घानासँग खेल्नेछ र समूह चरण पार गर्न उक्त खेलमा निर्णायक हुनेछ । घानालाई पराजित गरेमा क्रोएसिया समूह एलको शीर्ष दुईमा रहेर नकआउट चरणमा प्रवेश गर्नेछ ।
पानामा भने लगातार दोस्रो हारपछि समूह चरणबाटै बाहिरिने पक्का भएको छ । पानामा पहिलो पहिलो खेलमा पनि घानासँग १-० ले नै पराजित भएको थियो ।
पानामाले अब अब अन्तिम खेलमा इंग्ल्यान्डसँग खेल्नेछ ।