वीरगन्ज,७असारः वीरगन्जको नारायणी अस्पताल छेउमा रहेको नेपाल रेडक्रस सोसाइटीद्धारा सञ्चालित रक्त सञ्चार केन्द्र (ब्लड बैंक ) आइतबारदेखि वीरगन्जको घण्टाघर नजिक रहेको रेडक्रस सोसाइटीको भवनमा सञ्चालन गरिएको छ ।
नारायणी अस्पताल छेउमा रहेको ब्लड बैंक भवन मेनरोड विस्तारका क्रममा भत्काइने भएपछि रेडक्रस सोसाइटी पर्सा शाखाले आइतबारदेखि ब्लड बैंक घण्टाघर नजिकको रेडक्रस सोसाइटीको भवनबाटै सञ्चालनमा ल्याएको हो ।
अब ब्लड बैंकको सबै सेवा आइतबारदेखि रेडक्रस सोसाइटी पर्सा शाखाकै भवनबाट सुरु गरिएको रेडक्रस सोसाइटी पर्सा शाखाका सभापति बृजकिशोर पटेलले जानकारी दिए ।