वीरगन्ज,१९वैशाख:पर्साकाे ठोरी गाउँपालिका वडा नम्बर १ मा शनिबार “जनताको घरदैलोमा डाक्टर” नाराका साथ नि:शुल्क स्वास्थ्य शिविर सम्पन्न भएको छ।
प्रभु हस्पिटल वीरगन्जको सहकार्यमा नागरिक समाज ठोरीले आयाेजना गरेको उक्त शिविरबाट १५९ महिला र १०० पुरुष गरी कूल २५९ जना लाभान्वित भएका छन्।शिविरमा नि:शुल्क ओैषधिपनि वितरण गरिएको थियाे।
आर्थिक रुपमा बिपन्न बिरामहरुलाई लक्षित गरेर उनिहरुकाे आफ्नै गाँउघरमा उपचार सेवा दिने उदेश्यले उक्त शिविर आयाेजना गरिएको आयाेजकले जनाएको छ।
स्थानीय सन्तोष श्रेष्ठको समन्वय र सांसद टेक बहादुर शाक्यकाे प्रमुख आतिथ्यतामा भएको शिविरमा प्रभु हस्पिटल वीरगन्जका हाडजोर्नी तथा नशा रोग विशेषज्ञ डा. प्रयास तिमल्सिना एवं डा सुरुची श्रेष्ठले सेवा दिएका थिए ।
शिविर संयाेजक दिलिप राज कार्कीले प्रभु हस्पिटलले व्यवसायिक रुपमा मात्र नभई सेवा मुखी हुने गरि जनतासंग हातेमालो गर्नु पर्छ भनेर यस्ता कार्यक्रमको आयोजना गरिरहेको बताए ।बिकट र दुर्गम क्षेत्रमा हस्पिटल र नगरिक अगुवाले शिविर आयोजना गरेकोमा धन्यवाद दिदै ठाेरी गाँउपालिकाकी उपाध्यक्ष गाेकुली रेग्मीले आवश्यक सहयाेग र समन्वय गर्ने प्रतिबद्धता जनाइन्।