वीरगन्ज, ६ चैत : नेपाली बजारमा आज (शुक्रबार) सुनको भाउ तोलामा ७ हजार ८ सय रुपैयाँले घटेको छ । नेपाल सुनचाँदी व्यवसायी महासंघले आज सुनको भाउ प्रतितोला २ लाख ९४ हजार ५ सय रुपैयाँ तोकेको छ ।
अघिल्लो दिन ३ लाख २ हजार ३ सय रुपैयाँ थियो । त्यस्तै आज चाँदीको भाउ प्रतितोला ११५ रुपैयाँ घटेको छ । महासंघले आज चाँदीको भाउ प्रतितोला ४ हजार ८९५ रुपैयाँ निर्धारण गरेको छ । अघिल्लो दिन चाँदीको भाउ तोलाको ५ हजार १० रुपैयाँ थियो ।
गत माघ १५ गते सुनचाँदीको भाउ हालसम्मकै उच्च भएको रेकर्ड छ । त्यस दिन सुनको भाउ तोलाको ३ लाख ३९ हजार ३ सय र चाँदीको भाउ तोलाको ७ हजार ५०५ रुपैयाँ पुगेको थियो ।