काठमाडौं,८साउनः नेपाली बजारमा आज (शुक्रबार) सुन–चाँदीको मूल्यमा उच्च गिरावट आएको छ। सुन प्रतितोलामा ५ हजार ८०० र चाँदी प्रतितोलामा १५५ रुपैयाँले घटेको हो।
नेपाल सुन–चाँदी व्यवसायी महासंघका अनुसार आज ५ हजार ८०० रुपैयाँले घटेर प्रतितोला सुनको मूल्य २ लाख ८५ हजार ५०० पुगेको हो। हिजो (बिहीबार) एकतोला सुनको मूल्य २ लाख ९१ हजार ३०० कायम भएको थियो।
यस्तै आज चाँदी प्रतितोला ४ हजार ३५० रुपैयाँमा कारोबार भइरहेको महासंघले जनाएको छ। हिजो प्रतितोला चाँदी ४ हजार ५०५ रुपैयाँमा खरिदबिक्री भएको थियो।