वीरगन्ज,१७ फागुनः भारत सरकारले नेपालको निर्वाचनलाई लक्षित गर्दै थप ३० वटा सवारी साधन उपहार स्वरुप सहयोग गरेको छ ।
आइतबार वीरगन्जमा आयोजित एक औपचारिक कार्यक्रममा नेपाल सरकारलाई भारत सरकारको तर्फबाट ३० वटा मिनी ट्रकसहितका सामग्री हस्तान्तरण गरिएको हो ।
वीरगन्जस्थित भारतीय महावाणिज्यदूतावासका महावाणिज्यदूत देवी सहाय मीनाले पर्साका प्रमुख जिल्ला अधिकारी भोला दाहाललाई ३० वटा मिनी ट्रकसहितका सामग्री औपचारिक रुपमा हस्तान्तरण गरेका हुन् ।
फागुन २१ को निर्वाचनकोे तयारीका लागि नेपाल सरकारको आग्रहमा भारत सरकारले यसअघि ५८० वटा सवारी साधन उपहार स्वरुप प्रदान गरिसकिएको र आइतबार थप ३० वटा मिनी ट्रक लगायतका सामग्री प्रदान गरिएको महावाणिज्यदूत मीनाले बताए ।