वीरगन्ज ५,फागुन:महाशिवरात्रिको अवसरमा लाग्ने जिराभवानी मेलामा आएका थरुहटका विभिन्न गाउँबाट आएका करिब ३०० जना श्रद्धालु कावाँरिया भक्तजनहरुलाई आज पर्सा निर्वाचन क्षेत्र नम्बर ४ बाट नेपाली काँग्रेसका प्रतिनिधिसभा सदस्य पदका उम्मेदवार रमेश रिजालले गम्छा ओढाई स्वागत तथा सम्मान गरेका छन्।
मेलामा उपस्थित भक्तजनहरूसँग प्रत्यक्ष भेटघाट गर्दै उम्मेदवार रिजालले धार्मिक आस्था, संस्कृति र परम्पराको संरक्षण गर्नु सबैको साझा दायित्व भएको बताए। साथै उनले जनताको सेवा र विकासका लागि आफू प्रतिबद्ध रहेको उल्लेख गरे।
श्रद्धालु भक्तजनहरूले पनि यस्तो सम्मानले थप उत्साह मिलेको प्रतिक्रिया दिएका छन्। महाशिवरात्रि पर्वको अवसरमा जिराभवानी मेलामा भक्तजनहरूको उल्लेख्य भीड देखिएको छ।
