वीरगन्ज,२०पुस:मकवानपुरको भीमफेदी गाउँपालिका–६ जुरिखेतमा आइतबार टाटासुमो दुर्घटना हुदाँ ६ जनाको मृत्यु भएको छ।४ जनाकाे घटनास्थलमै र २ जनाकाे उपचारका क्रममा मृत्यु भएको हो।
काठमाडौंबाट हेटौंडातर्फ आउँदै गरेको ना१ज १७७८ नम्बरको सुमो भीमफेदी गाउँपालिका–६ जुरीखेतस्थित भीमफेदी–कुलेखानी–काठमाडौं सडक खण्डमा सुमो गाडी दुर्घटना भएको हाे । तीन जना घाइते भएका छन् ।
मृतक र घाइतेहरूको नाम खुल्न सकेको छैन । घाइतेहरूको उपचार हेटौंडा अस्पतालमा भइरहेको छ । गाडीमा ९ जना सवार रहेकामा ६ जनाको मृत्यु भएको स्थानीयवासी सुरेन्द्र थिकेले बताए । मृतकहरूको शव हेटौंडा ल्याइपुर्याइएको छ ।
सुमाे सडकबाट एक सय मिटर तल खोल्सामा खस्दा दुर्घटना भएको जिल्ला प्रहरी कार्यालय मकवानपुरले जानकारी दिएको छ ।
इलाका प्रहरी कार्यालय भीमफेदीबाट खटिएको प्रहरी टोलीले सुमोमा सवार घाइते र मृतकको उद्धार गरेको थियो । मृतकहरू ६ जनाकाे नै परिचय नखुलेको प्रहरीले जानकारी दिएको छ । तीन जना घाइतेमध्ये दुई जनाको अवस्था मध्यम रहेको अस्पताल स्रोतले बताएको छ ।