वीरगन्ज,२४मंसिरःमंगलबारदेखि आन्दोलित बनेका देशभरका भन्सार एजेन्टहरूको आन्दोलन स्थगित भएसंगै वीरगन्ज भन्सारसहित देशभरका भन्सार कार्यालयहरुमा बुधबारदेखि मालवस्तुको भन्सार जाँचपास सेवा सुचारु भएको छ ।
बुधबार भन्सार विभाग र एजेन्टहरुबीच भएको वार्ता सकारात्मक भएपछि एजेन्टहरूले आन्दोलनका कार्यक्रम फिर्ता गरेसंगै वीरगन्ज भन्सार कार्यालयकोपनि सेवा सुचर भएको हो ।
भन्सार एजेन्टहरुले देशभरका भन्सार कार्यालयहरूमा मंगलबारदेखि पेन डाउन गरेका कारण वीरगन्जसहित देशभरका भन्सार कार्यालयमा मालवस्तुको भन्सार जाँचपास ठप्प हुदाँ राजस्व स.कलनपनि प्रभावित बनेको थियो ।
बुधबार भन्सार विभाग र भन्सार एजेन्ट महासंघबीच भएको छलफल सकारात्मक भएकाले पेन डाउन लगायतका आन्दोलनका कार्यक्रम फिर्ता लिएको भन्सार एजेन्ट महासंघका अध्यक्ष प्राचिनकुमार थैवले बताए ।
भन्सार ऐन २०८२ प्रति आपत्ति जनाउँदै आन्दोलनरत महासंघले मंगलबारदेखि देशभरका भन्सार कार्यालयहरूमा ‘पेन डाउन’ गरेको थियो । भन्सार ऐन २०८२ मा समावेश गरिएका कतिपय प्रावधानहरूले भन्सार एजेन्टहरूको पेशागत हकहित, काम गर्ने सहजता तथा अन्तर्राष्ट्रिय व्यापार सहजीकरणमा समेत नकारात्मक असर पु¥याउने वातावरण सृजना भएको भन्दै उनिहरुले आन्दोलन गरेका थिए ।