काठमाडौं,२६असाेज: आइसीसी टी-२० विश्वकप एसिया तथा पूर्वी एसिया प्यासिफिक क्षेत्र छनोट अन्तर्गत यूएईसँगको खेलमा नेपालका आसिफ शेखले टी-२० अन्तर्राष्ट्रियमा नवौँ अर्धशतक प्रहार गरेका छन्।
ओमानस्थित अल अमेरत क्रिकेट मैदानको ट्रफ १ मा अहिले चलिरहेको खेलमा टस जितेर ब्याटिङ गरेको आसिफले ४५ बलमा ४ चौका र १ छक्कासहित अर्धशतक पूरा गरेका हुन्। उनी अर्धशतक पूरा गरेपछि ५१ रनमा बोल्ड आउट भए।
आसिफले सन् २०२१ मा किर्तिपुरस्थित त्रिवि क्रिकेट मैदानमा नेदरल्यान्ड्सविरुद्ध डेब्यु गरेका थिए। आसिफले ६४ खेलमा ६३ इनिङ्समा ८ वटा अर्धशतक प्रहार गरेका थिए।