जनकपुरधाम,४असार:राैतहटमा बुधबार मोबाइल चार्ज गर्ने क्रममा बिजुलीकाे करेन्ट लागेर एक जना महिलाको मृत्यु भएको छ ।
मृत्यु हुनेमा रौतहटको राजपुर नगरपालिका वडा नम्बर ३ डमार पोखरी गाँउकी ३० वर्षीया गुलनाज खातुन रहेकाे जिल्ला प्रहरी कार्यालय राैतहटले जनाएको छ ।
प्रहरीका अनुसार बुधबार अपरान्ह सवा ४ तिर खातुनले आँफु सुत्ने कोठामा मोबाईल चार्ज गर्दा करेन्ट लागेर उनी घाइते भएकी थिइन् ।
घाइते खातुनलाई उपचारका लागि गाैरस्थित प्रादेशिक अस्पतामा पुर्याउँदा चिकित्सकले उनलाई मृत घोषणा गरेको प्रहरीले जनाएको छ ।
घटनाका विषयमा थप अनुसन्धान भइहेको जिल्ला प्रहरी कार्यालय रौतहटले जनाएको छ ।