काठमाडौं,२३जेठ : भारतको स्वास्थ्य तथा परिवार कल्याण मन्त्रालयका अनुसार देशभरमा कोभिड–१९ का सक्रिय केसहरू ५ हजार नाघेका छन्। मन्त्रालयले शुक्रबार जारी गरेको तथ्यांक अनुसार भारतमा कोभिड–१९ का कुल ५ हजार ३६४ सक्रिय केस पुष्टि भएका छन्।
धेरैजसो केस केरलामा पुष्टि भएका छन्। केरलापछि गुजरात, पश्चिम बंगाल र दिल्लीमा सबैभन्दा बढी केसहरू रिपोर्ट गरिएका छन्।केरलामा १६७९, गुजरातमा ६१५, पश्चिम बंगालमा ५९६ र दिल्लीमा ५९२ सक्रिय कोभिड केस छन्।
मन्त्रालयका अनुसार यस वर्ष हालसम्म देशमा कोरोनाका कारण ५५ जनाको मृत्यु भइसकेको छ।