राजविराज,२३जेठःसप्तरीको सुरुङा नगरपालिका–८ मल्हनमा टोलमा बिहीबार राति लुटेराको समूहले लुटपाट गरी एक जनाको हत्या गरेको घटनामा जंगे (तालिम प्राप्त कुकुर)को सहायताले सूक्ष्म अनुसन्धान अघि बढाइएको छ भने शंकास्पद एक जनालाई पक्राउ गरिएको छ ।
मधेस प्रदेश प्रहरी कार्यालय जनकपुरबाट मगाइएको जंगेको सहायताले घटनाको सूक्ष्म अनुसन्धान अघि बढाएको सप्तरीकाा प्रहरी उपरीक्षक ढकेन्द्र खतिवडाले बताए ।खतिवडाले भने,‘ घटनास्थलबाट तीन राउन्ड गोली र एउटा खोखा पनि बरामद भएको छ । ‘शंकास्पद एक जनालाई नियन्त्रणमा लिएका छौं ।थप अनुसन्धान भइरहेको छ ।’
बिहीबार राति करिब १२ बजेतिर मल्हन टोलमा लुटपाट भइरहँदा प्रतिकार गरेका स्थानीय ५० वर्षीय कान्तलाल चौधरीमाथि लुटेराले गोली प्रहार गरेका थिए । गोली लागेर चौधरीको राति नै मृत्यु भइसकेको छ भने धारिलो हतियार प्रहारबाट गम्भीर घाइते भएका उनका भाइ ४० वर्षीय रामाकान्त चौधरीको लहानस्थित अस्पतालमा उपचार भइरहेको छ ।
लुटेराहरुले ५०/६० हजार नगद, ५ तोला सुन, २ किलो चाँदीसहितका सरसमान लुटेर लगेको खतिवडाले बताए ।साभारः इकान्तिपुर