काठमाडौं,१३जेठ:काठमाडौंमा १२ किलो चाँदीसहित एक जना पक्राउ परेका छन्।पक्राउ पर्नेमा बाराकाे कलैया उपमहानगरपालिका-४ का ३२ वर्षीय अनिषकुमार सिंह रहेका छन्।
काठमाडौंकाे चन्द्रागिरि नगरपालिका-२ नागढुंगास्थित प्रहरी चेकप्वाईन्टमा सिंह १२ किलो १७६ ग्राम चाँदीसहित सोमबार राति पक्राउ परेका हुन्।
वीरगन्जबाट काठमाडौं जाँदै गरेको बा.प्र ०१-००३ ख ३७०१ नंबरको बसलाई प्रहरीले राेकेर चेकजाँच गर्दा बसका सहचालक सिंहले बसमा लुकाएर राखेकाे चाँदीकाे सिक्री, चन्द्रमा, पाउजुलगायतका सामान बरामद भएको जिल्ला प्रहरी परिसर काठमाडौंका प्रहरी उपरीक्षक अपिलराज बोहराले जानकारी दिए।