वीरगन्ज,१७बैशाखःभारतको पश्चिम बंगालको राजधानी कोलकत्ताको एक होटलमा आगलागी हुँदा १५ जनाको मृत्यु भएको छ। उक्त घटनामा १३ जना घाइते भएका छन् ।
कोलकत्ता सहरको सबैभन्दा व्यस्त बुर्रा बजारमा रहेको ऋतुराज होटलएक होटलमा मंगलबार राति सवा ८ बजेतिर आगलागी हुँदा १५ जनाको मृत्यु भएको पश्चिम बंगालकोे प्रहरीले पुष्टि गरेको छ।मृत्यु हुनेमा ११ जना पुरुष ,२ जना महिला र २ जना बालबालिका रहेका छन् ।
आगलागीको यएकिन कारण नखुले पनि बिजुलीको मिटर बक्स नजिकैबाट आगो लागेको देखिएको छ। दमकल र उद्दारकर्मीहरूले आगो लागेको उक्त होटलबाट करिब एक दर्जन बढी मानिसको सकुशल उद्दार गरेका थिए।
भारतीय सञ्चारमाध्यम आजतकका अनुसार आगलागीबाट बच्न धेरैजसो मानिसहरू झ्यालबाट हाम फालेर ज्यान जोगाएका थिए । चौथो तलाबाट हाम फाल्ने क्रममा दुईजना घाइतेपनि भएका छन्। घाइतेहरु उपचारपछि अस्पतालबाट घर फर्किएका छन् ।