जनकपुरधाम,१६बैशाखःभारतको कश्मीरमा पर्ने पहलगाममा भएको आतंककारी हमलाविरुद्ध जनकपुरधाममा प्रदर्शन गरिएको छ ।
नेपाल–भारत खुला सीमा संवाद समूह र शहिद संजय चौधरी स्मृति प्रतिष्ठानको आयोजनामा गरिएको प्रदर्शनमा पाकिस्तान र आतंककारीविरुद्ध प्रदर्शन गरिएको हो । प्रदर्शनकारीले पाकिस्तानी सेना प्रमुख नजरल असीम मुनिरको पुत्ला र पाकिस्तानी झण्डा समेत जलाएका छन् ।
उनीहरुले आतंकवाद मुर्दावाद, मानवताको रक्षा गर, हिन्दूको हत्या बन्द गर, आतंककारीलाई फासी दे, पाकिस्तान मुर्दावाद जस्ता नारा लगाएका थिए ।
पहलगाम हमलामा बुटबलका सुदिप न्यौपानेसहित २८ जना मारिएका थिए । आतंकीले हिन्दूको पहिचान गरी हत्या गरेकाले नेपालमा समेत आक्रोश बढेको छ ।साभारः नेपालप्रेस