वीरगन्ज,८चैतःअन्तर्राष्ट्रिय वन दिवसको अवसरमा पर्साको जगरनाथपुर गाउँपालिका वडा नम्बर ५ मसिहानीमा शुक्रबार वृक्षरोपण गरिएको छ ।“समृद्धिका लागि वन परियोजना” अन्तर्गत मसिहानीमा वृक्षारोपण गरिएको हो । जगरनाथपुर गाँउपालिकाका अध्यक्ष श्रीकान्त प्रसाद यादवले विरुवा रोपेर वृक्षारोपण कार्यक्रमको सुुभारम्भ गरेका थिए ।
त्यस अवसरमा अध्यक्ष यादवले मानव स्वास्थ्यका लागि मात्र नभई संसारकै वातावरण संरक्षणमा बोटविरुवा र जंगलको महत्वपूर्ण भूमीका रहेकाले हरेक गाँउ टोलमा वृक्षारोपण गर्नुपर्नेमा जोड दिए ।उनले वृक्षारोपण कार्यक्रम गरेर विरुवा रोप्ने मात्र नभई ती विरुवाको संरक्षणमा पनि ध्यान दिनुपर्ने बताए ।
जगरनाथपुर गाउँपालिकाको आयोजनामा भएको वृक्षारोपण कार्यक्रममा जगरनाथपुर गाउँपालिकाकी उपाध्यक्ष बबिता सिंह क्षेत्री, प्रमुख प्रशासकीय अधिकृत सन्देश कुमार यादव, वडाध्यक्ष नेपाली कुशवाहा, बिहारी महतो नुनिया लगायतकाकोपनि सहभागीता रहेको थियो ।