काठमाडौं,९फागुनःगत माघ महिनामा देशभर भएका आगलागीका ४ सय ७८ घटनामा २२ जनाको मृत्यु भएको छ। ८७ जना घाइतेपनि भएका छन् । यस्तै ती आगलागीका घटनाबाट १८ करोड ४८ लाख ८१ हजार २५० रुपैयाँ बराबरको भौतिक क्षतिपनि भएको नेपाल प्रहरीले जनाएको छ।
माघ महिनामा मात्रै भएका आगलागीका घटनामा परेर ११ जना पुरुष, १० जना महिला र १ बालक गरी २२ जनाको मृत्यु भएको नेपाल प्रहरीका प्रवक्ता प्रहरी नायब महानिरीक्षक दिनेशकुमार आचार्यले जानकारी दिए।
उनकाअनुसार ती आगलागीमा परी २६ पुरुष, ५४ महिला र ७ जना बालबालिका घाइते भएका छन् । आगलागीका कारण १७ जना विस्थापित भएका छन् ।
प्रहरीका अनुसार देशभर आगलागीका कारण ६८ घर र ६६ वटा गोठ जलेका छन् भने यस अवधिमा २४७ वटा चौपाया जलेर मरेका छन्। ४ सय ७८ आगलागीका घटनामध्ये सबैभन्दा धेरै कोशी प्रदेशमा १२९ ठाउँमा आगलागी भएको छ।