वीरगन्ज,२१पुसःवीरगन्ज महानगरपालिका वडा नम्बर १६ ईनर्वामा जनमत पार्टी पर्साले आयोजना गरे निशुल्क आँखा शिविरबाट १ सय ४० जना लाभान्वित भएका छन् ।
इनर्वास्थित संसारीमाई धर्मशालामा आयोजित आँखा शिविरमा १ सय ४० जनाको आँखाको चेकजाँच गरिएकोमा तीमध्ये ३४ जनामा मोतियाबिन्दुको समस्या फेला परेको जनमत पार्टीका पर्सा अध्यक्ष ओमप्रकाश सर्राफले बताए ।
उनका अनुसार मोतियाबिन्दु देखिएकाहरुको वीरगन्ज सामुदायिक आँखा अस्पतालमा शनिबार निशुल्क शल्यक्रिया गरिनेछ । शिविरमा वीरगन्ज सामुदायिक आँखा अस्पतालका महेश सिंह धामी लगायतको टोलीले आँखाको चेकजाँच गरेको थियो ।
जनमत पार्टीले जिल्लाका गरिब तथा विपन्न नागरिकलाई मध्यनजगर गर्दै निःशुल् आँखा चेकजाँच अभियान सुरु गरेरएको बताए । ग्रामिण भेगका नागरिकहरु स्वस्थ्य सेवाको पहुँचमा आउनबाट वञ्चित हुने तथा उनीहरुमा सूचनाको अभाव समेत रहने भएकाले अभियान नै चलाएर चेकजाँच सुरु गरिएको उनले जनाए ।उनका अनुसार यो अभियान निरन्तर चल्नेछ ।
आइतबारको शिविरमा जनमत पार्टीका केन्द्रिय सदस्यहरु बिद्यालाल प्रसाद, रम्भा मिश्रा, नेताहरू सुजित चौरसिया, बृजकिसोर कलवार,राजनरायण मिश्रा,नरेश राम,सत्युग साह,सिकेन्द्र राम, संजय सिह,निकेश महतो ,लोकेश कर्ण ,तुलसी राम लगायतकाकोपनि सहभागीता रहेको थियो ।