वीरगन्ज,२२मंसिरःउपेन्द्र यादव नेतृत्वको जनता समाजवादी पार्टी नेपालका वीरगन्ज महानगर समितिका उपाध्यक्ष नवीन पटेलले पार्टी परित्याग गरेका छन् । जसपा नेपाल परित्याग गरेका पटेल अशोक राई नेतृत्वको जनता समाजवादी पार्टी (जसपा) मा प्रवेश गरेका छन् ।
शनिबार वीरगन्जमा जसपाका उपमहासचिव तथा संघीय सरकारका खानेपानीमन्त्री प्रदीप यादव र वीरगन्ज महानगरपालिका मेयर राजेशमान सिंहले नवप्रवेशी पटेललाई खादा ओढाएर पार्टीमा स्वागत गरे ।
त्यसअवसरमा पूर्व प्रदेश सभा सदस्य जन्नत अन्सारी, जसपाका वीरगन्ज महानगर अध्यक्ष ईश्वरचन्द्र यादव लगायतकोपनि उपस्थिती रहेको थियो ।