वीरगन्ज,२असाेज:वीरगन्जबाट प्रहरीले लागू ओैषध चरेससहित एक भारतीय नागरिकलाई पक्राउ गरेकाे छ।पक्राउ पर्नेमा भारत उत्तर प्रदेशको आगराकाे कुडाेल फतेहवादका ४२ वर्षिय गाेपाल गिरी रहेकाे जिल्ला प्रहरी कार्यालय पर्साले जनाएको छ।वीरगन्ज महानगरपालिका वडा नम्बर २ छपकैयास्थित डम्पिङ्ग साइडमा लागू ओैषधकाे खरिदबिक्री भइरहेकाे सुचना पाएपछि खटिएको प्रहरी टाेलीले त्यहाँ शंकास्पद अवस्थामा हिडिरहेका साधुकाे भेषमा रहेका गिरीलाई नियन्त्रणमा लिएर खानतलासी गरेकाे थियाे ।त्यसक्रममा गिरीले बाेकेकाे प्लास्टिकको झाेलाबाट २ किलाे ९६० ग्राम चरेस बरामद भएकाे पर्साका प्रहरी नायब उपरीक्षक दीपक भारतीले जानकारी दिए।
चरेससहित पक्राउ परेका गिरीलाई जिल्ला प्रहरी कार्यालयकाे हिरासतमा राखेर उनिविरुद्ध लागू ओैषध सम्बन्धि कसूरमा थप अनुसन्धान भइरहेकाे प्रहरी नायब उपरीक्षक भारतीले जानकारी दिए।