काठमाडौं,३०भदौंःनेपालको बजारमा सुनको भाउले कीर्तिमान बनाएको छ । सुनको भाउले आज (आइतबार) अहिलेसम्मकै उच्च तोलाको १ लाख ५६ हजार ८०० रुपैयाँ पुगेर कीर्तिमान बनाएको हो ।
यसअघि सुनको भाउ गत शुक्रबार तोलाको १ लाख ५६ हजार ३०० रुपैयाँ रहेको थियो । आज सुनको भाउ तोलामा ५०० रुपैयाँले बढेर कीर्तिमान बनाएको हो ।
त्यस्तै आज चाँदीको भाउ पनि बढेको छ । आज चाँदी ४० रुपैयाँले बढेर तोलाको १ हजार ९०० रुपैयाँ कायम भएको नेपाल सुनचाँदी व्यवसायी महासंघले जनाएको छ ।