वीरगन्ज,७साउन:वीरगन्जसहित देशभर ब्राेइलर कुखुराको मासुको मूल्य घटेको छ । साउन महिना लागेसँगै मासुकाे खपत घटेकाले वीरगन्जमा कुखुराको मासुको मूल्य प्रतिकिलो १ सय देखि १२० रुपैयाँले घटेको हो ।
असार अन्तिमसम्म वीरगन्जमा ४२० रुपैयाँ प्रतिकिलो पर्ने कुखुराकाे मासुको खुद्रा मूल्य हाल घटेर २८० देखि ३०० रुपैयाँ पुगेको छ ।
अहिले बजारमा कूल उत्पादनको ५० देखि ६० प्रतिशत मात्रै कुखुरा खपत भइरहेको कुखुरा पालक किसानहरुले बताएका छन् ।
असार मसान्तसम्म ज्युँदो कुखुराको मूल्य प्रतिकिलो दुई सय २७० रुपैयाँ थियो । हाल जिउँदो कुखुराकाे किलाेकाे मूल्य २२० रुपैयाँ मूल्य रहेको छ ।