बारा,४साउन:बारामा नक्कली नेपाली नोटसहित १ जनालाई प्रहरीले पक्राउ गरेको छ। महुवाहीबाट नयकाटोल तर्फ जाँदै गरेको ‘अन टेस्ट’ बाइकमा सवार सिम्रौनगढ नगरपालिका वडा नंबर २ महुवाही बस्ने वर्ष ३५ का छठु गिरीलाई प्रहरीले पक्राउ गरेको हाे।
ईलाका प्रहरी कार्यालय सिम्रौनगढका प्रहरी निरीक्षक नविन राईको नेतृत्वमा खटिएको टोलीले गिरिलाई नेपाली १ हजार दरको ८५ थान नक्कली नाेटसहित पक्राउ गरेको जिल्ला प्रहरी कार्यालय बाराले जनाएको छ ।
गिरीविरुद्ध खोटा मुद्रासम्बन्धी कसूरमा मुद्दा दर्ता गरी बारा जिल्ला अदालतबाट ८ दिनकाे म्याद थप गरी आवश्यक अनुसन्धान भइरहेको प्रहरीले जनाएको छ ।