वीरगन्ज,२४असारःपर्साामा असारको अन्तिम सातासम्म ६० प्रतिशतभन्दा बढी धान रोपाइँ सकिएको छ । कृषि ज्ञान केन्द्र पर्साका प्रमुख मुनिलाल प्रसादका अनुसार, ४७ हजार हेक्टर क्षेत्रफलमा अगहनी धानको खेती हुने गरेको छ ।
असार २३ गतेसम्म पर्सामा ६० प्रतिशत अर्थात २८ हजार हेक्टर क्षेत्रफलमा धान रोपाइँ सकिएको केन्द्रका प्रमुख मुनिलाल प्रसादले बताए ।
उनका अनुसार, केहि स्थानमा अहिले चैते धानको हार्भेष्टिङ भइरहेकाले ती स्थानमा मात्र रोपाइँ बाँकी रहेको रहेको भन्दै उनले साउन दोश्रो सातासम्म बाँकी रोपाइँपनि सकिने अनुमान रहेको बताए ।
यसपालि मनसुन समयमै सुरु भइ बर्षा निरन्तर भएको र गण्डक नहरमापनि समयमै पानी आएकाले प्रयाप्त सिंचाइ सुविधा उपलब्ध भएका कारण आधा भन्दा बढी राोपाइँ सकिएको उनले बताए ।
कार्यालय प्रमुख मुनिलालका अनुसार, पर्सामा यसबर्ष अगहनी धानको उत्पादन बढ्ने सम्भावना देखिएको छ । उनले भने,‘ यसबर्ष पानीपनि प्रयाप्त पर्यो , गण्डक नहरमा पानीपनि सयममै आयो ।रोपााइँ गर्दाा सिंचाइँको कमी भएन ।साथै मलखादपनि किसानले समयमै पाइरहेका छन् । यदि कुनै प्राकृतिक विपद भएन भने यसबर्ष धानको उत्पादन राम्रो हुने सम्भावना छ ।’
अन्नको भण्डार भनिने मधेस प्रदेशमा भने हालसम्म २५ दशमलव ५ प्रतिशतमात्र रोपाइँ भएको छ ।मधेसमा धान खेती हुने तीन लाख ८३ हजार एक सय ५० हेक्टर क्षेत्रफल रहेको छ ।तर हालसम्म मधेसमा २५ दशमलव ५ प्रतिशतमात्र रोपाइँ हुन सकेको कृषि विभागका सूचना अधिकारी तिकलराज चौलागाईले जानकारी दिए।