बारा,२१फागुनःबारामा प्रहरीले एक महिनामा लागूऔषधको ओसारपसारमा संलग्न चार भारतीयसहित २४ जनालाई त्रफाउ गरेको छ । पक्राउ पर्नेहरुमा नेपाली पुरुष १८ जना,भारतीय पुरुष ४ जना र नेपाली महिला २ जना रहेका छन् ।
गत माघ १८ गतेदेखि फागुन २० गतेसम्मको अवधिमा जिल्लाका विभिन्न स्थानबाट प्रहरीलले लागू औषधसहित ती २४ जनालाई पक्राउ गरेको जिल्ला प्रहरी कार्यालय बाराका प्रवक्ता प्रहरी नायब उपरीक्षक विजयराज पण्डितले जानकारी दिए ।
उनिहरुको साथबाट लागू औषध गाँजा ३ क्वीन्टल २० किलो ३०९ ग्राम,अफिम २९ किलो ४५१ ग्राम र ब्राउन सुगर १७०.४ मिलिग्राम बरामद गरिएको पण्डितले बताए ।
उक्त अवधिमा जिल्लाका विभिन्न स्थानमा लुकिछिपी लगाइएको ९ बिघा १ कठ्ठा ५ धुर जग्गाको गाजाँ खेती र १ कठ्ठा १० धुर जग्गामा लगााइएको अफिम खेती नष्टपनि गरिएको उनले जानकारी दिए ।
यस्तै उक्त अवधिमा श्रोत खुल्न नसकेको हुण्डीको रकम ३ लाख २ हजार ५६५ रुपैयाँसहित एक भारतीय नागरिकलाईपनि पक्राउ गरिएको उनले जानकारी दिए ।