Madhes Khabar
शिक्षा हेडलाइन

वीरगन्जका सरकारी विद्यालयमा पुगेर विद्यार्थीसंगै अभिभावकलाई पनि भेट्दै मेयर सिंह

वीरगन्ज,२१असार:वीरगन्ज महानगरपालिकाका मेयर राजेशमान सिंहले विद्यार्थीको शैक्षिक गुणस्तर बृद्धि गराउनु अहिलेको आवश्यकता रहेको बताएका छन्।

यस वर्षको एसइई (माध्यमिक शिक्षा परीक्षा) मा सामुदायिक(सरकार) विद्यालयहरूको नतिजा कमजोर भएको प्रति चिन्ता व्यक्त गर्दै उनले विद्यार्थीहरुको शैक्षिक गुणस्तर बढाउन शिक्षक, विद्यार्थी तथा अभिभावक सबै एक भएर लाग्नु पर्नेमा जोड दिएका छन् ।

मेयर सिंहले शुक्रबारबाट विद्यार्थीका अभिभावकसंग विद्यालयमै पुगेर भेट्ने अभियान नै सुरु गरेका छन् ।

शुक्रबार विर्तामा रहेको सुन्दरमल रामकुरमा कन्या माद्यमिक विद्यालयमा पुगेर मेयर सिंहले आगामी वर्ष एसईई दिने कक्षा १० मा अध्ययनरत विद्यार्थीका अभिभावकलाई विद्यालयमा बोलाएर छलफल गरेका छन्।उनले विद्यालयमा मात्रै नभई अभिभावकले घरमा पनि आफ्ना सन्ततीको पढाइको बारेमा चासो लिनु पर्ने बताए । विद्यार्थीको शैक्षिक गुणस्तर वृद्धि गराउन विद्यालयको भौतिक संरचना, शिक्षक व्यवस्थापन तथा शैक्षिक सामग्री उपलब्ध गराउन महानगर तत्पर रहेको र शिक्षकले पनि तोकिएको जिम्मेवारी इमान्दारीपूर्वक निभाउन आवश्यक रहेको उनले बताए ।

मेयर सिंहले आफ्नो पठन पाठनका बारेमा विद्यार्थी आफै र उनका अभिभावक चनाखो भएर लागे गुणस्तर वृद्धि हुन समय नलाग्ने पनि बताए ।उनले भने, ‘सामुदायिक विद्यालयहरूलाई आवश्यक सहयोग गर्न महानगर सँधै प्रयासरत रहे पनि एसइईको नतिजा सन्तोषजनक हुन सकेन, तर आगामी दिनमा पनि यस्तै नतिजा नदोहोरियोस भनेर अभिभावकलाई पनि जिम्मेवार बनाउन प्रयास गरेका हौँ ।’

सामुदायिक विद्यालयमा अध्ययन गर्न पठाउने अभिभावकले आफ्ना सन्ततीका बारेमा चासो नराखेको र विद्यालयमा कसरी पढाइ हुँदै छ भन्ने बारेमा पनि कहिल्यै जानकारी लिने नगर्दा शैक्षिक स्थिति विग्रिएको आफूले पाएको उनले बताए ।

विद्यार्थीका बारेमा जानकारी दिन विद्यालयमा बोलाउँदा पनि उनीहरुका अभिभावक उपस्थित नहुने गरेको सामुदायिक विद्यालयका प्रधानाध्यापकहरु बताउँछन्।शुक्रबार पनि अधिकांस अभिभावकहरु अनुपस्थित रहेका थिए ।

अब हरेक विद्यालयमा पुगेर अभिभावकसंगै उनीहरुका सन्ततीको अध्ययनका बारेमा जानकारी लिने अभियान नै थालेको मेयर सिंहले बताए । महानगरको तर्फबाट कुनै कमी कमजोरी भए त्यसलाई सुधारेर अघि बढ्न आफू तयार रहेको भन्दै उनले त्यसका लागि शिक्षक, विद्यार्थी तथा अभिभावकले आ–आफ्नो ठाउँबाट जिम्मेवारी निर्वाह गर्नु आवश्यक रहेको पनि बताए।

वीरगन्ज महानगरपालिकाको शिक्षा महाशाखा प्रमुख अरविन्दलाल कर्णले विद्यालयमा पठन पाठन सुधार गर्न सबैको चासो हुनु पर्नेमा जोड दिए ।

Related posts

नागरिकता लगायतका मुद्धा सम्बोधनका लागि जसपा जित्नु पर्छ : प्रदीप यादव

MadhesKhabar

सहकारीहरुलाई बलियो बनाउन महानगर तयार छ : मेयर सिंह

MadhesKhabar

पटेर्वा सुगौली गाँउपालिकाले निजी श्रोतका २९ शिक्षकलाई जागीरबाट हटायो

MadhesKhabar

Leave a Comment